О нас
Խոսքի ազատության պաշտպանության կոմիտեն (ԽԱՊԿ) շահույթ չհետապնդող՝ լրագրողական հասարակական կազմակերպություն է։ ԽԱՊԿ-ը պաշտոնապես գրանցվել է 2003 թվականի հունվարի 16-ին։ Իր գործունեության ընթացքում կազմակերպությունն իրականացրել է 40-ից ավելի ծրագիր։ Խոսքի ազատության պաշտպանության կոմիտեն Արևելյան գործընկերության երկրների Քաղաքացիական հասարակության ֆորումի Հայաստանի ազգային պլատֆորմի անդամ է և ակտիվորեն մասնակցում է դրա գործունեությանը։
Խոսքի ազատության պաշտպանության կոմիտեի նպատակներն ու խնդիրները
Կոմիտեի նպատակներն են.
- աջակցել խոսքի ազատությանը վերաբերող ՀՀ օրենսդրության կատարելագործմանը
- աջակցել լրատվամիջոցների եւ պետական մարմինների, ձեռնարկությունների, հասարակական կազմակերպությունների, այլ միավորումների միջեւ կապերի զարգացմանը
- աջակցել Հայաստանում ազատ, ժողովրդավարական մամուլի կայացմանը
- նպաստել խոսքի ազատության միջազգային նորմերի հաստատմանը
- աջակցել լրագրողների մասնագիտական համերաշխության ամրապնդմանը՝ անկախ նրանց ներկայացրած զանգվածային լրատվության միջոցի քաղաքական ուղղվածությունից ու կուսակցական պատկանելությունից
- պաշտպանել լրագրողների և լրատվամիջոցների իրավունքները
Նշված նպատակներն իրագործելու համար Կոմիտեն լուծում է հետեւյալ խնդիրները.
- զբաղվում է հետազոտական անկախ գործունեությամբ.
- խոսքի ազատությանը եւ այդ իրավունքի խախտումների վերաբերյալ լրատվություն պարունակող տպագիր, ձայնային, տեսաշարային եւ այլ տեղեկատվական նյութեր է հավաքում, համակարգում, մշակում, թողարկում եւ տարածում Հայաստանում ու արտասահմանում.
- մասնակցում է Հայաստանի եւ արտասահմանի իրավաբանական ու ֆիզիկական անձանց միջեւ տեղեկատվության փոխանակման համակարգմանը.
- մասնակցում է խոսքի ազատության բնագավառում համագործակցելու հարցերին վերաբերող զանազան կոնֆերանսների եւ խորհրդակցությունների, ինչպես երկրի ներսում, այնպես էլ արտասահմանում.
- իրականացնում է հրատարակչական գործունեություն, պատրաստում է հրապարակումներ եւ հեռստուռադիոհաղորդումներ.
- կազմակերպում է զանգվածային լրատվության տարբեր միջոցների լրագրողների մասնագիտական մերձեցմանն ուղղված համատեղ գործողություններ, հանդիպումներ եւ այլ միջոցառումներ.
- միջազգային կապեր է հաստատում.
- հենվելով իր աշխատակազմի վրա՝ Կոմիտեն պայմանագրային հիմունքներով ներգրավում է նաեւ անհրաժեշտ մասնագետների.
- Կոմիտեի անդամներին եւ հաստիքային աշխատողներին գործուղում է արտասահման.
- մասնակցում է սեմինարների, հանդիպումների, լրագրողների ուսուցման կազմակերպմանը.
- լրատվություն է փոխանակում իր գործընկերների հետ.
- իր գործունեության ապահովման նպատակով Կոմիտեն կարող է որպես սեփականություն ունենալ եւ վարձակալել շենքեր, շինանյութեր, սարքավորումներ եւ այլ սեփականություն։
Կոմիտեն իր գործունեության ժամանակ առաջնորդվում է գործարար համագործակցության, խոսքի ազատության իրավունքի համընդհանուր միջազգային սկզբունքներով ու չափանիշներով։
ԽԱՊԿ գործունեության գլխավոր ուղղությունը Հայաստանում խոսքի ազատության վիճակի մշտադիտարկումն է, լրագրողների ու լրատվամիջոցների իրավունքների խախտումների բացահայտումն ու դրանց արձագանքելը, ստացված տվյալների հիման վրա պարբերական զեկույցների հրապարակումը։ ԽԱՊԿ-ը նաև գործնական քայլեր է իրականացնում ԶԼՄ-ների և դրանց ներկայացուցիչների իրավունքների պաշտպանության համար, այդ թվում՝ դատական ատյաններում։ Կոմիտեի գործունեության կարևոր ուղղություններից է ԶԼՄ-ներին վերաբերող օրենսդրության կատարելագործումը։ Այդ նպատակով նախապատրաստվում են օրենքների նախագծեր և առաջարկությունների փաթեթներ, որոնք ներկայացվում են խորհրդարան։
- Խոսքի ազատության պաշտպանության կոմիտեի 2024 թ․ ֆինանսական գործունեության հաշվետվություն
- Խոսքի ազատության պաշտպանության կոմիտեի 2023 թ․ ֆինանսական գործունեության հաշվետվություն
- Խոսքի ազատության պաշտպանության կոմիտեի 2022 թ․ ֆինանսական գործունեության հաշվետվություն
- Խոսքի ազատության պաշտպանության կոմիտեի 2021 թ․ ֆինանսական գործունեության հաշվետվություն
- Խոսքի ազատության պաշտպանության կոմիտեի 2020 թ․ ֆինանսական գործունեության հաշվետվություն
- Թեժ Գիծ
Եթե խախտվել են ձեր իրավունքները, զանգահարեք «Թեժ գծի» հեռախոսահամարներով`
Խոսքի ազատության պաշտպանության կոմիտեն կազմավորել է արագ արձագանքման խումբ, որում, կոմիտեի անդամներից բացի, ընդգրկված են նաեւ ներկայացուցիչներ գործընկեր կազմակերպություններից:
Արագ արձագանքման խումբը լրագրողների եւ լրատվամիջոցների իրավունքների խախտումների, ԶԼՄ-ների ներկայացուցիչների նկատմամբ բռնություների մասին ահազանգեր ստանալու դեպքում մեկնում է միջադեպի վայր, տեղում պարզում հանգամանքները եւ իրականացնում իրավիճակից բխող միջոցառումներ (դիմում է իրավապահ մարմիններին, հանդես գալիս հայտարարությամբ եւ այլն):
Հարգելի գործընկերներ,
եթե խախտվել են ձեր իրավունքները,
զանգահարեք «Թեժ գծի» հեռախոսահամարներով`
(+37411) 53-38-95
(+37493) 10-70-85
