Պետական մարմիններում հավատարմագրված լրագրողն աշխատանքային գոտում սահմանված կանոնները խախտելու դեպքում հնարավոր է՝ զրկվի հավատարմագրումից: Համապատասխան փոփոխությունները առաջարկում են իշխանական պատգամավորները։ Նախագիծը դժգոհությունների ալիք է բարձրացրել։
Խոսքի ազատության պաշտպանության կոմիտեի նախագահ Աշոտ Մելիքյանը ռիսկային է համարում այն, թեև շեշտում է՝ կան լրագրողները, որոնք մոռանում են՝ ուր են և ինչ նպատակով։ Նա նաև տեղեկացնում է, որ վաղը մեդիայի ոլորտում աշխատող տասը հասարակական կազմակերպություններ համագործակցության հուշագիր են կնքելու Հայաստանի օրենսդիր և գործադիր մարմինների ներկայացուցիչների հետ։
