Քննարկվել են մեդիա օրենսդրության բարեփոխումների հայեցակարգի հիմնական ուղղությունները՝ կապված ԶԼՄ-ների ինքնակարգավորման համակարգի կայացման, պետության կողմից դրա ճանաչման, որակյալ մամուլի խրախուսման, տեղեկատվության ազատության զարգացման, Հանրային հեռարձակողի գործունեության օրենսդրական կարգավորումների հետ։

Հայաստանի մեդիայի զարգացման ծրագիրն իրականացնող Internews in Armenia-ի ղեկավար Կորինա Չեպոյը ողջունել է մասնակիցներին՝ կարևորելով երկրում որակյալ լրագրության զարգացումը, լրագրողների և լրատվամիջոցների իրավունքների պաշտպանությունը, ԶԼՄ-ների աջակցության հիմնադրամի կայացումը, մեդիագրագիտության տարածումը և այլ կարևոր հարցեր:

Սեմինարին մասնակցել են պետական մարմինների, ԶԼՄ-ների, միջազգային կառույցների, հասարակական կազմակերպությունների ներկայացուցիչներ։