Արխիվ | Մոնիտորինգ

Հայաստանի տնտեսական և սոցիալական խնդիրները խորհրդարանական ընտրություններին մասնակցող քաղաքական ուժերի ներկայացուցիչների մամուլի ասուլիսներում

Մայիս 6, 2017

Խոսքի ազատության պաշտպանության կոմիտեն ս. թ. փետրվարի 6-ից ապրիլի 29-ը իրականացրեց 2017 թվականի ապրիլի 2-ի խորհրդարանական ընտրություններին մասնակցող 9 կուսակցությունների ու դաշինքների մամուլի ասուլիսների դիտարկում (մոնիտորինգ)։ Ըստ Կենտրոնական ընտրական հանձնաժողովի 2017թ. փետրվարի 17-ին հրապարակած ցուցակի՝ այդ քաղաքական ուժերն են` «ԵԼՔ» կուսակցությունների դաշինքը, «Ազատ դեմոկրատներ» կուսակցությունը, «Հայկական վերածնունդ» կուսակցությունը, «Ծառուկյան» կուսակցությունների դաշինքը, «Կոնգրես-ՀԺԿ» կուսակցությունների դաշինքը, Հայաստանի հանրապետական կուսակցությունը, Հայաստանի կոմունիստական կուսակցությունը, «Օհանյան-Րաֆֆի-Օսկանյան» կուսակցությունների դաշինքը, «Հայ Յեղափոխական Դաշնակցություն» կուսակցությունը։

Կարդալ ավելին •

Հայաստանի տնտեսական եւ սոցիալական խնդիրները Ազգային ժողովի ընտրություններին մասնակցող քաղաքական ուժերի ծրագրերում

Մայիս 6, 2017

Խոսքի ազատության պաշտպանության կոմիտեն Ֆրիդրիխ Էբերտի հիմնադրամի աջակցությամբ իրականացրել է 2017 թվականի ապրիլի 2-ի խորհրդարանական ընտրություններին մասնակցող 9 կուսակցությունների ու դաշինքների նախընտրական ծրագրերի դիտարկում (մոնիտորինգ)։ Ուսումնասիրության նպատակն էր պարզել, թե այդ փաստաթղթերում ինչ մաս են կազմում երկրի տնտեսական ու սոցիալական խնդիրները եւ դրանց ինչ լուծումներ են առաջարկվում։ Այդ թեմաներին վերաբերող հատվածները, որպես դիտարկման առարկա, առանձնացվել են ընդհանուր տեքստից եւ ենթարկվել են քանակական եւ որակական վերլուծության։

Կարդալ ավելին •

Քաղաքական ուժերի ներկայացուցիչների եւ հասարակական գործիչների՝ ՀՀ Սահմանադրության փոփոխությունների եւ 2015 թվականի դեկտեմբերի 6-ի հանրաքվեի վերաբերյալ ասուլիսների լուսաբանումը համապետական եւ մայրաքաղաքային սփռման հեռուստաընկերություններում

Հունվար 26, 2016

2015 թվականի հոկտեմբերի 26-ից դեկտեմբերի 27-ը Խոսքի ազատության պաշտպանության կոմիտեն իրականացրեց համապետական եւ մայրաքաղաքային սփռման հեռուստաընկերությունների կողմից ՀՀ Սահմանադրության փոփոխությունների եւ 2015 թվականի դեկտեմբերի 6-ի հանրաքվեի վերաբերյալ քաղաքական եւ հասարակական գործիչների մամուլի ասուլիսների լուսաբանման դիտարկում (մոնիտորինգ): Հետազոտությունը բաղկացած էր երկու փուլից. առաջինն իրականացվեց քարոզչության ժամանակաշրջանում՝ հոկտեմբերի 26-ից դեկտեմբերի 4-ը, երկրորդը՝ հանրաքվեից հետո՝ դեկտեմբերի 7-ից 27-ը:

Կարդալ ավելին • { 0 } ՄԵԿՆԱԲԱՆՈՒԹՅՈՒՆՆԵՐ

Սահմանադրական փոփոխությունների վերաբերյալ 2015 թվականի դեկտեմբերի 6-ի հանրաքվեի քարոզարշավի ժամանակաշրջանում Հայաստանի հանրային հեռուստառադիոընկերության անվճար եւ վճարովի եթերաժամանակի դիտարկում

Հունվար 25, 2016

Խոսքի ազատության պաշտպանության կոմիտեն 2015 թվականի նոյեմբերի 6-ից դեկտեմբերի 4-ը իրականացրեց սահմանադրական փոփոխությունների վերաբերյալ դեկտեմբերի 6-ի հանրաքվեի քարոզարշավի ընթացքում խորհրդարանում ներկայացված քաղաքական ուժերին եթերաժամանակ տրամադրելիս հավասար պայմաններ ապահովելու ուղղությամբ Հայաստանի հանրային հեռուստառադիոընկերության գործունեության դիտարկում:

Կարդալ ավելին • { 0 } ՄԵԿՆԱԲԱՆՈՒԹՅՈՒՆՆԵՐ

ՀՀ Սահմանադրության փոփոխությունների 2015 թվականի դեկտեմբերի 6-ի հանրաքվեի քարոզչության ժամանակաշրջանում Հայաստանի հանրային հեռարձակողի եւ մասնավոր հեռուստաընկերությունների գործունեության դիտարկում (միջանկյալ զեկույց)

Դեկտեմբեր 11, 2015

2015 թվականի հոկտեմբերի 26-ից դեկտեմբերի 4-ը Խոսքի ազատության պաշտպանության կոմիտեն հեռարձակվող ԶԼՄ-ների երկու դիտարկում (մոնիտորինգ) իրականացրեց՝ ուսումնասիրելու համար նրանց գործունեությունը ՀՀ սահմանադրության փոփոխությունների հանրաքվեի քարոզչության ժամանակաշրջանում:

Կարդալ ավելին • { 0 } ՄԵԿՆԱԲԱՆՈՒԹՅՈՒՆՆԵՐ

Պետական կայքերի բովանդակության ստանդարտացումը և տեղեկատվական բացերը

Դեկտեմբեր 17, 2014

2014 թվականի ապրիլի 1-ից մինչեւ նոյեմբերի 30-ը Խոսքի ազատության պաշտպանության կոմիտեն, Ֆրիդրիխ Էբերտի անվան հիմնադրամի աջակցությամբ, իրականացրեց հերթական ծրագիրը, որը նախատեսում էր Հայաստանի պետական մարմինների (ՊՄ) պաշտոնական կայքերի մոնիտորինգ՝ նրանց տեղեկատվական թափանցիկության մակարդակը գնահատելու համար: Սա դեռեւս 2011 թվականին սկսված գործունեության տրամաբանական շարունակությունն էր:
Մոնիտորինգի են ենթարկվել 44 ՊՄ-ների պաշտոնական կայքեր, որոնք բաժանված են երկու խմբի: Առաջինում ներառված են ՀՀ նախարարությունների, կառավարությանն առընթեր մարմինների եւ այլ գերատեսչությունների 34 կայքերը: Երկրորդում՝ երկրի 10 մարզերի պաշտոնական կայքերը (այսուհետ՝ մարզպետարանների կայքեր), որոնք ընդգրկված են «Տարածքային կառավարման համակարգ» (ՏԿՀ) միասնական ցանցում:

Կարդալ ավելին • { 0 } ՄԵԿՆԱԲԱՆՈՒԹՅՈՒՆՆԵՐ

ՀՀ պետական մարմինների պաշտոնական կայքերի 2014 թ. մոնիտորինգի նախնական արդյունքները

Հուլիս 17, 2014

2014 թվականի մայիսից Խոսքի ազատության պաշտպանության կոմիտեն (ԽԱՊԿ) իրականացնում է Հայաստանի պետական մարմինների պաշտոնական կայքերի հերթական մոնիտորինգը՝ դրանց տեղեկատվական թափանցիկության մակարդակը գնահատելու նպատակով: Այսպիսի հետազոտություններ ԽԱՊԿ-ն անցկացնում է 2010 թվականից ի վեր։
Կայքերի դիտարկումն իրականացվել է 146 չափորոշիչով, որոնցից 120-ը բովանդակային են, իսկ 26-ը՝ տեխնիկական: Ստացված տվյալների հիման վրա եւ հատուկ մշակված բանաձեւերով հաշվարկվել են տեղեկությունների քանակական եւ որակական գործակիցները, որից հետո՝ հիմնական ցուցանիշը՝ տեղեկատվական թափանցիկության գործակիցը: Այս գործակցի նվազման կարգով էլ ձեւավորվել է պետական կառույցների կայքերի վարկանիշային աղյուսակը:

Կարդալ ավելին • { 0 } ՄԵԿՆԱԲԱՆՈՒԹՅՈՒՆՆԵՐ

ԶԼՄ-ՆԵՐԻ ՆԵՐԳՐԱՎՎԱԾՈՒԹՅԱՄԲ ԶՐՊԱՐՏՈՒԹՅԱՆ ԵՎ ՎԻՐԱՎՈՐԱՆՔԻ ՀԻՄՔԵՐՈՎ ԴԱՏԱԿԱՆ ԳՈՐԾԵՐԻ ՄՈՆԻՏՈՐԻՆԳ

Մարտ 28, 2014

2013 թվականին Խոսքի ազատության պաշտպանության կոմիտեն, Քաունթերփարթ ինթերնեշնլի աջակցությամբ, իրականացրեց ԶԼՄ-ների ներգրավվածությամբ վիրավորանքի եւ զրպարտության հիմքերով դատական գործերի մոնիտորինգ: Նմանատիպ հետազոտություն իրականացվել էր նաև 2012 թվականին։ Մշտադիտարկումների նպատակն է պարզել, թե ինչպես է զարգանում դատական պրակտիկան` 2010 թ. մայիսի 18-ից ի վեր, երբ օրենքով ուժը կորցրած ճանաչվեցին ՀՀ քրեական օրենսգրքի 135-րդ եւ 136-րդ հոդվածները, իսկ նույն օրն ընդունված` ՀՕ-97-Ն ՀՀ օրենքով փոփոխություններ կատարվեցին ՀՀ քաղաքացիական օրենսգրքի 19-րդ («Պատվի, արժանապատվության, գործարար համբավի պաշտպանությունը») հոդվածում եւ այդ օրենսգիրքը լրացվեց 1087.1 հոդվածով, որով սահմանվեցին պատվին, արժանապատվությանը կամ գործարար համբավին պատճառված վնասի հատուցման կարգը եւ պայմանները:

Կարդալ ավելին • { 0 } ՄԵԿՆԱԲԱՆՈՒԹՅՈՒՆՆԵՐ

ԱՏԵԼՈՒԹՅԱՆ ԽՈՍՔԻ ԴՐՍԵՎՈՐՈՒՄՆԵՐԸ ՀԱՅԱՍՏԱՆՅԱՆ ԶԼՄ-ՆԵՐՈՒՄ

Հունվար 31, 2014

Ամփոփիչ զեկույց

2013 թ. ապրիլ-դեկտեմբեր ժամանակահատվածում Խոսքի ազատության պաշտպանության կոմիտեն, «Բաց հասարակության հիմնադրամներ-Հայաստան» կազմակերպության աջակցությամբ, իրականացրեց հայաստանյան ԶԼՄ-ների մոնիտորինգ` դրանց հրապարակումներում ատելության խոսքի (hate speech) վերհանման նպատակով:
Ներկայացվող վերլուծությամբ ամփոփվել են իննամսյա դիտարկմամբ ստացված տվյալները:
Հետազոտվել է հայաստանյան 9 լրատվամիջոց` 3 հեռուստաընկերություն («Հ1» հանրային, «Երկիր մեդիա», «Կենտրոն»), 3 տպագիր ԶԼՄ («Ազգ» , «Հայկական ժամանակ», «Հայոց աշխարհ» օրաթերթեր), 3 առցանց ԶԼՄ («1in.am», «7or.am», «Tert.am» լրատվական կայքեր): Հեռուստաընկերությունների դիտարկման օբյեկտ են հանդիսացել լրատվական ծրագրերի հիմնական թողարկումների նյութերը («Հ1»-ի եթերում` «Հայլուր», «Երկիր մեդիայի» եթերում` «Երկիրն այսօր»/«Երկրի շաբաթը», «Կենտրոնի» եթերում` «Էպիկենտրոն»), ինչպես նաեւ` այդ թողարկումներին հաջորդող վերլուծական հաղորդումները (համապատասխանաբար` «Տեսանկյուն», «Երկրի հարցը», «Ուրվագիծ»):

Կարդալ ավելին • { 0 } ՄԵԿՆԱԲԱՆՈՒԹՅՈՒՆՆԵՐ

ՊԱՇՏՈՆԱԿԱՆ ՏԵՂԵԿԱՏՎՈՒԹՅԱՆ ՄԱՏՉԵԼԻՈՒԹՅՈՒՆԻՑ ԴԵՊԻ ԲԱՑ ԿԱՌԱՎԱՐՈՒՄ (Հայաստանի պետական մարմինների տեղեկատվական թափանցիկության մակարդակի մասին՝ նրանց պաշտոնական կայքերի մոնիտորինգի արդյունքներով)

Նոյեմբեր 15, 2013

2013 թվականին Խոսքի ազատության պաշտպանության կոմիտեն իրականացրեց Հայաստանի պետական մարմինների (ՊՄ) պաշտոնական կայքերի հերթական մոնիտորինգը: Ի տարբերություն նախորդ ուսումնասիրությունների, ներկա մոնիտորինգն իրականցվել է նոր մեթոդաբանությամբ, որը հիմնված է EXMO ավտոմատացված տեղեկատվական համակարգի (EXMO ԱՏՀ) վրա: Վերջինս մշակել եւ հաջողությամբ օգտագործում է մեր գործընկեր կազմակերպությունը՝ Սանկտ-Պետերբուրգում գործող Տեղեկատվության ազատության զարգացման ինստիտուտը (Институт развития свободы информации) եւ սիրով տրամադրել է ԽԱՊԿ-ին՝ Հայաստանում կիրառելու համար: ԽԱՊԿ-ն այդ մեթոդաբանությունը տեղայնացրել է: Այն մանրամասն ներկայացված է սույն զեկույցի համապատասխան բաժնում:

Կարդալ ավելին • { 0 } ՄԵԿՆԱԲԱՆՈՒԹՅՈՒՆՆԵՐ